Gallego
Sinopsis A cociña dos Vilas
¿Para cando a historia dos cociñeiros galegos? Mestres da lareira, pero tamén das novas artes e técnicas da restauración. Anfitrións de tantos agasallos e felices horas na boa mesa. Esixentes, curiosos, renovadores, aínda que coas raíces ben chantadas na mellor tradición. A cociña galega tamén ten os seus artistas, os seus creadores.Este é un libro de cociña de autor. Desque o día de Corpus de 1915 Ramón Vilas abriu un bar no compostelano Camiño Novo, número 22, a Casa Vilas pasou de ser unha popular casa de comidas que se enchía os días de feira a un dos máis nomeados restaurantes de Galicia.Na primeira parte deste libro Xosé Cermeño conversa cos protagonistas e traza non só un retrato familiarde varias xeracións de gastrónomos e bos cociñeiros, senón tamén o reflexo dun tempo e dun ambiente.Na segunda parte o lector poderá degustar, a través de 170 receitas, moitos dos secretos destes excelentes pratos que a sabedoría, a tradición e a experiencia soubo crear para deleite e degustación de todos nós.