Gallego
Sinopsis AS:O que a asexualidade revela sobre o desexo,
Para a maioría da xente, asexualidade é unha palabra estraña. Define aquelas persoas que non senten atracción sexual, e que máis? Pois moito: a asexualidade é unha lente que cuestiona como se constrúe a sociedade e as presións a que estamos sometidas todas as persoas. Angela Chen combina a súa experiencia coa doutras voces asexuais diversas para explorar como a sexualidade obrigatoria condiciona as nosas vidas. As preguntas son compartidas: como sei o que quero? Como negocio o que preciso? Como me relaciono sen os guións que me deron? Coa ollada AS, as respostas gañan novos matices e libéranse do relato único. AS é un convite para ollar o mundo doutro xeito. Para cuestionar se a forma en que nos relacionamos ten que ser a que nos contaron.