A literatura infantil e xuvenil en galego

A literatura infantil e xuvenil en galego ofrece unha visión sintética da producción literaria feita en Galicia para os lectores e lectoras máis novos. Agustín Fernández Paz achégase primeiramente ao contexto histórico e sociolingüístico e despois analiza a literatura infantil galega dividíndoa en tres grandes etapas. A primeira de 1960 a 1978, onde se valoran as primeiras edicións infantís e xuvenís. Na segunda de 1979 a 1988, a instauración da democracia e o inicio da andaina autonómica facilitarán o medre dunha demanda escolar de materiais didácticos e de libros infantís e suvenís para a práctica da lectura .en galego, así xorden novas editoras e aparecen coleccións específicas. A terceira etapa, que chega aos nosos días, permitirá a consolidación das coleccións autóctonas, a traducción ao galego de obras da literatura infantil e xuvenil universal e a multiplicación das obras en galego promovidas por editoras de todo o estado. Verifícase ademais a crecente proxección externa dos libros infantís e xuvenís galegos, a ampliación de xéneros, a relevancia cada vez maior dos ilustradores e a consolidación, en definitiva, dun tecido editorial, cultural, asociativo e institucional ao redor da literatura infantil e xuvenil.