FARTURRUTES 2.CHIGRES, BRAÑES Y MONTAÑES

David Castañón ye el autor de Les Fartures, ónde comer bien nÆAsturies, publicada en castellán y nÆasturianu, la primer guía gastronómica de la historia en llingua asturiana. Nel 2022 publicó Les Farturrutes: caleya y comer nÆAsturies, y nel 2024, La cocina los colores, xunto con Borja Alcázar y David Remartínez. Dende 2022, dirixe y presenta Les Fartures, el programa de gastronomía asturiana de la Radio del Principáu dÆAsturies (RPA). Nel 2022, David Castañón tuvo la idea dÆaxuntar nun llibru les rutes curties que facía per Asturies los fines de selmana y los llugares onde comía. A esti conceptu denominólu «farturruta», y a estes altures hai poques persones, polo menos nesta tierra, que nun sepan lo que ye. Dempués dÆunes cuantes ediciones y cuatro años, creemos que Les Farturrutes, caleyar y comer nÆAsturies cumplió la so misión y quÆhabía que descubrir otros llugares, intentando siempre que fueren variaos, incidiendo nún de los elementos etnográficos más guapos y históricos dÆAsturies, brañes y mayaes, y atendiendo inclusive a la estación, pa queÆl paisaxe sorprienda entá más. Tocantes a los chigres, restoranes, chigres-tienda, cases de comíes Ye obligao que tean cerca del final de la ruta y que sían tradicionales (sacantes dalguna honrosa escepción). Asina surde esta publicación: Les Farturrutes II. Chigres, brañes y montañes, onde David tira del amor a la so tierra y describe 30 farturrutes, les meyores que percorrió nestos postreros cuatro años. Diz Javi Solís nel prólogu: «Asturies úfrenos la posibilidá de conocela (y conocenos meyor), si-y regalamos los cinco sentíos. Hai que la mirar con dulzor, col tientu necesariu pa, cuando sía menester, saber facer una posa nel camín y danos la vuelta pÆacolumbrar».