Realización da arte final

Vivimos na cultura da imaxe. O envoltorio é o primeiro que vemos dun produto, de aí que as profesións vinculadas ao deseño gráfico estean claramente 'de moda'. Pero non é unha moda pasaxeira, senón unha profesión con clara vocación de permanencia no tempo e en constante evolución, ao igual que as ferramentas (equipamentos informáticos) cos que traballa.

Con este manual, o lector poderá adquirir os coñecementos necesarios para realizar ilustracións con precisión e claridade para pasalas, posteriormente, a preimpresión.

Os contidos que presentamos correspóndense co módulo 'Realización da Arte Final' do certificado de profesionalidade de 'Grafista-Maquetista' pertencente á familia profesional de 'Industrias Gráficas', segundo o Real decreto 348/1998.

Ideaspropias Editorial desenvolve este manual formativo para todos aqueles profesionais que realizan este labor ou desexan realizalo no futuro, co fin de que amplíen os seus coñecementos sobre a ocupación de grafista-maquetista e, ao mesmo tempo, facilitar a obtención dun título recoñecido polo Sistema Nacional de Cualificacións.